ஈக்விட்டி மற்றும் ஃபைனான்சியல் டெரிவேடிவ்களில் முதலீடு செய்யுங்கள்

பங்குச் சந்தையில் வர்த்தகம் அல்லது முதலீடு செய்ய, உங்களுக்கு வங்கி கணக்கு, வர்த்தகக் கணக்கு, டிமேட் கணக்கு மற்றும் ஒரு தரகுக் கணக்கு தேவை. நீங்கள் அவற்றைக் கொண்டிருந்தால் அடுத்து உங்கள் ஆய்வுத் திறனை நீங்கள் மேம்படுத்த வேண்டும். இது சார்ந்து உங்களை வழிநடத்த மோதிலால் ஒஸ்வால் போன்ற ஒரு நல்ல தரகு நிறுவனத்தைத் தேர்வு செய்யலாம்.

பங்குச் சந்தையில் முதலீடு செய்வதன் மூலம் உங்கள் பணத்தை பன்மடங்கு அதிகரித்துக் கொள்ளலாம். மேலும் சில நன்மைகளும் இருக்கின்றன. அதாவது, பிரித்து முதலீடு செய்தல், பணப்புழக்கம், பணவீக்கத்திற்கு அதிராக பாதுகாப்போடு இருத்தல் போன்ற பல நன்மைகளை பங்குச் சந்தையில் பங்கு முதலீடு செய்யவதன் மூலம் பெறலாம்.

ஒரு ரீடெயில் தரகு வாடிக்கையாளர் என்ற வகையில் நீங்கள் மோதிலால் ஓஸ்வால் மூலம் பங்கு, டெரிவேடிவ்ஸ், சரக்குகள், செலவாணிகள், பரஸ்பர நிதிகள், ஐ.பி.ஒ-க்கள், பத்திரங்கள் மற்றும் காப்பீட்டில் வர்த்தகம் செய்யலாம். வலைதளம், மொபைல், டெஸ்க்டாப் அல்லது கால்-என்-ட்ரேட் மூலம் பி.எஸ்.இ, என்.எஸ்.இ, என்.சி.டி.இ.எக்ஸ் மற்றும் எம்.சி.எக்ஸ்-இல் வர்த்தகம் மேற்கொள்ளலாம்.

இலாப உரிமை, வணிகம் தடைபடுவதால் மூலதனத்திற்கான உரிமை மற்றும் வணிக நிறுவனத்தில் வாக்களிக்கும் உரிமைகள் என பல்வேறு நிபந்தனைகள் மற்றும் உரிமைகளுடன் வரும் பல வகையான பங்குகளை ஒரு நிறுவனம் கொண்டிருக்கலாம். சாதாரணப் பங்குகள், வாக்குரிமை இல்லாத சாதாரணப் பங்குகள், முன்னுரிமைப் பங்குகள், ஒட்டுமொத்த முன்னுரிமைப் பங்குகள் மற்றும் மீட்கத்தக்க பங்குகள் ஆகியவை 5 முக்கிய வகைகள் ஆகும்.

எளிமையாகச் சொல்வதானால், பங்கு என்பது ஒரு நிறுவனத்தில் கொண்டுள்ள கைம்முதல் அல்லது பங்கு எனலாம். ஒரு முதலீட்டாளர் ஒரு நிறுவனத்தின் பங்கை அல்லது பங்குகளை வாங்கும்போது, அவர்கள் அந்த நிறுவனத்தின் உடமை உரிமைகளைப் பெறுவார்கள்.

ஒரு பங்கை வாங்க அல்லது விற்பதற்கான ஆர்டரை ஒரு முதலீட்டாளர் சமர்ப்பிக்கும்போது அதில் இரண்டு அடிப்படை செயல்பாட்டு விருப்பங்களில் ஒன்றைச் தேர்வு செய்யலாம்: ""சந்தைப்படி"" அல்லது ""வரம்புப்படி"" இவை இரண்டில் ஒன்றைத் தேர்வு செய்து ஆர்டரை சமர்ப்பிக்கவேண்டும். சந்தைப்படி சார்ந்த ஆர்டர்கள் என்பது தற்போதைய அல்லது சந்தை விலையில் உடனடியாக செயல்படுத்தப்படும் பரிவர்த்தனைகள் ஆகும். மாறாக, ஒரு வரம்புப்படியான ஆர்டரில் நீங்கள் வாங்க அல்லது விற்க விரும்பும் அதிகபட்ச அல்லது குறைந்தபட்ச விலையை அமைக்க முடியும்.

டெரிவேடிவ் என்பது ஒரு மூலாதார நிதிச் சொத்தை அடிப்படையாகக் கொண்டு இரண்டு அல்லது அதற்கு மேற்பட்ட தரப்பினருக்கு இடையிலான ஒரு ஒப்பந்தமாகும். இலாபம் கிட்டும் என்ற நம்பிக்கையில், உண்மையான சொத்தை வாங்காமல், அந்த மூலாதார சொத்தின் எதிர்கால விலை உயர்வு தாழ்வுகளை ஊகிக்க வர்த்தகர்கள் டெரிவேடிவ்களைப் பயன்படுத்துகின்றனர்.

ஒரு நிறுவனம் அதன் ஊழியர்களுக்கோ அல்லது இயக்குநர்களுக்கோ தள்ளுபடி விலையில் அல்லது ரொக்கத்தைத் தவிர வேறு ஒன்றைக் கருத்தில் கொண்டு அளிக்கும் பங்குகள் ஸ்வெட் ஈக்விட்டி பங்குகள் ஆகும். மதிப்புமிக்க அறிவுசார் சொத்துரிமை அல்லது நிறுவனத்திற்கு மதிப்பு சேர்க்கும் செயல்களைப் புரிதல் அல்லது செய்நுட்ப அறிவு போன்றவற்றிற்காக ஸ்வெட் ஈக்விட்டி பங்குகள் பெரும்பாலும் வழங்கப்படுகின்றன.